பணமும் காதலும் (2010)

பணக்காரர்களின்

காதல்

எப்படியிருக்கும்?

கரன்சி நோட்டுத்தான்

இவர்களின் காதல் குறியீடா?

இதயம் என்பதென்ன

இங்கே இலவம் பஞ்சா?

பணம் தான் இவர்களின்

பல்லாக்கு என்றால்

மனம் என்பதென்ன

வெறும் மண்ணாங்கட்டியா?

ஐயா!

பணம் பார்த்து

வருவதன் பெயர்

காதல் என்றால்

விபச்சாரத்தை யாரும்

விலக்கி வைக்க மாட்டார்களே?

பணம் என்பதெல்லாம்

வெறும் பகட்டுக்குத் தான்.

குணம் ஒன்று தான்

என் குறிக்கோளே!

தராதரம் பற்றிப் பேசவும்

ஒரு தகுதி வேண்டாமா?

நான் வாழ்க்கையில்

ரொம்பவே பட்டவன்.

ஆயினும்

ஒழுக்கத்தை

ஒழுங்காகக் கற்றவன்.

உங்கள் பணம் உங்களைத்

தோலில் சுமக்கும்.

என் காதல் என்னை

இதயத்தில் ஏற்றும்.

எது பெரிது?

நம்மிடம் என்ன இல்லை?

என்னிடம் பணம் இல்லை.

உம்மிடம் இதயம் இல்லை.

நம்மிடம் என்ன இல்லை?

முறை என்னும் சமன்பாட்டை

முயன்று தீர்த்தேன்.

முறை தான் இங்கே

முரண் கொள்கிறதாம்...

x இற்கும்

y இற்கும் இங்கு

என்னய்யா சம்பந்தம்.

எல்லாம்

படைப்பின் சித்தம்.

பத்தாயிரம் ரூபாயில்

பட்டுப் புடவை,

நகை நட்டும் தருவார்

உன் அம்மா.

உனக்குப் பிடித்ததாய்

ஒரு வரி கேட்பாரா?

உன் தேவையும்

என் தேவையும்

ஒத்துப் போனதால் தானே

நமக்குள்

புது உறவே முளைத்தது...

பணம் படைத்த

பரதேசி

நாளை வருவான்.

தலையாட்டி பொம்மையே

தயாராய் இரு!

ஏமாற்றி விட்டதாக

இறுமாப்புக் கொள்ளத் தேவையில்லை...

எப்போதோ செத்து விட்டேன்.

இழவு முடித்து

செலவுக்கு வாருங்கள்...

Comments

எப்போது பார்த்தாலும், படித்தாலும் மனசை கொள்ளை கொள்ளும் தபூ சங்கரின் காதல் கவிதைகள் நீ! வெனிஸ்வேலா நாட்டுக்காரியை உலக அழகியாகத் தெரிந்தார்கள் - உன்னைப் பார்க்காத முட்டாள்கள்! உன் விரலைப் பிரிந்த நகத்துண்டு, உன்னை விட்டு உதிர்ந்த தலை முடி, உன்னை விட்டுத் தவறிய கைக்குட்டை என எதுவுமே என்னிடம் இல்லை! உன்னை வேண்டாமென்று வெறுத்தவை எனக்கெதற்கு? உனக்கான முக்கியத்துவத்தை குறைத்து விடுவேனோ என்ற பயத்தில், நான் ஆசையாக எழுதிக்காட்டும் கவிதைகளில் - நீ ஆர்வம் காட்டமாட்டாய். உடனே எனக்குள் நினைத்துக் கொள்வேன் - சாதாரண கவிதை மீது ஹைக்கூ ஒன்று பொறாமைப் படுகிறதே என்று! கூடுவிட்டுக் கூடுபாயும் வித்தைக்காரன் நான். சமயங்களில் மாறிவிடுகிறேன்... வர்ணக்குடுவை சுமந்துசெல்லும் வண்ணத்துப்பூச்சியாய், உன் உதட்டுச் செம்பில் நிறைந்து வழியும் புன்னகைப் பாலாய், உன் கண்களின் படபடப்புக்குள் சிக்கிக் கொண்ட வெட்கத் துண்டாய், மஞ்சள் பூக்களாய், மலை நாட்டுச் சுடாத வெய்யிலாய், நதிகளை நனைக்கும் சில்லென்ற மழைய...

திமிரன்

ஒருவன் திமிருடன் இருந்தால் அவனிடம் ஏராள பணம் இருக்கின்றது என்று அர்த்தமல்ல. அவன் அதிகாரத்தில் இருக்கின்றான் என்றும் அர்த்தமல்ல. மாறாக, மற்ற ஆண்கள் குடித்துவிட்டு வீதியில் வாந்தி எடுத்துக் கொண்டு திரிகையில் தான் குடிப்பதே இல்லை என்கின்ற திமிராக இருக்கலாம். ஒருபோதும் மற்றைய வர்களின் மனது புண்படும் படி பேசியதில்லை என்கின்ற தெனாவெட்டாக இருக்கலாம். ஒருபோதும் பிறரின் பொருட்களுக்கோ சொத்துக்களுக்கோ ஆசைப்படுவதில்லை என்கிற மிடுக்காக இருக்கலாம். பலரைப்போல தவறான வழியில் பணமோ பொருளோ ஈட்டுவதில்லை என்கிற கர்வமாக இருக்கலாம். யாரையும் ஏமாற்றிப் பிழைப்பதில்லை, யாரையும் அண்டிக் கொடுத்து, கோள் மூட்டி விட்டு அதில் சுகம் காணும் நயவஞ்சக குணம் தன்னிடம் இல்லை, வலக்கைக்கு தெரியாமல் இடக்கையால் இல்லாதோருக்கு உதவிகள் செய்பவன் என்கிற பெருமையாக இருக்கலாம். கோடியில் ஒருவனே அவ்வாறு இருப்பான். மதுசூதனன் அத்தகைய ஒருவன். திமிரன்! எழுதிக்கொண்டிருக்கும் திமிரன் சிறுகதையில் இருந்து ஒரு பகுதி... எழுதிக் கொண்டிருந்த வேகத்தை நிறுத்தி நிதானமாக ஒருதடவை யோசித்த கமலக்கண்ணன், "இந்தக்காலத்தில இப்பிடி எழுதினால...

என் முற்றத்துக் கவிதைகள் (ஹைக்கூ தொகுதி)

ஹைக்கூ என்பது நீண்ட நெடிய வரலாறு கொண்டது. நான் இங்கே அதன் வரலாற்றைப் பற்றிக் கூறப்போவது கிடையாது. அதன் வரலாற்றைப் பற்றி முழுமையாக தெரிந்து கொள்ள இங்கே சொடுக்கவும் http://en.wikipedia.org/wiki/Haiku (நன்றி விக்கிபீடியா) தமிழில் ஹைக்கூ எழுதுவதற்கு கடைப்பிடிக்க வேண்டிய நியாயமான சில விதிமுறைகளை, மறைந்த எழுத்துலக ஜாம்பவான் சுஜாதா அவர்கள் தனது ஹைக்கூ எழுதுவது எப்படி என்கிற புத்தகத்தில் இலக்கணமாக வகுத்திருப்பார். அதாவது, தமிழில் எழுதப்படும் ஹைக்கூ ஆனது :- சொந்த அனுபவமாக இருக்க வேண்டும் / பார்த்து உணர்ந்ததாக இருக்க வேண்டும். மூன்று வரிகளுக்குள் எழுத வேண்டும். முதல் இரண்டு வரிகளில் ஒரு கருத்தும், இறுதி வரியில் தொடர் கருத்தும் சொல்ல வேண்டும். முடிந்த வரை சுருக்கமாக, அளவில் சிறிதாக இருக்க வேண்டும். ஹைக்கூ ஆனது, முதல் வரியும் இறுதி வரியும் ஐந்து வசனங்களையும், நடுவரியில் ஏழு வசனங்களையும் கொண்டதாகவே எழுதப்படுவது வழக்கம். ஆனால் தமிழுக்காக அந்த நியதியை சற்று தகர்க்கலாம். அத்துடன் சென்றியு எனப்படும் ஒரு வகையும் உள்ளது. ஹைக்கூ போலவே வடிவ...

தெருப்பாடகன்!

Search This Blog